O‘zbek xalqi va davlatchiligi tarixida eng muhim jarayonlardan biri sanalgan, XIX asr oxiri – XX asr boshlarida kechgan jadidchilik harakatining ahamiyati, jadid bobolarimiz turmushi, ishi va merosini keng targ‘ib qilishni ko‘zlagan, yozma, tovushli, ko‘rgazmali, raqamli ma’lumotlarni o‘zida jamlagan va muntazam ravishda boyitib boriladigan “jadidlar.uz” elektron platformasi O‘zbekiston Respublikasi Vazirlar Mahkamasi huzuridagi O‘zbek tilini rivojlantirish jamg‘armasining buyurtmasiga ko‘ra 2021 – 2023 yillari Tarix institutida yaratildi.
        Loyiha boshlig‘i: akademik  Azamat Ziyo.
     Loyiha xodimlari: tarix fanlari doktori Dilnoza Jamolova (D.J), tarix fanlari doktori Muhayyo Isoqova, tarix fanlari bo‘yicha falsafa doktori Odiljon Zaripov (O.Z.), tarix fanlari bo‘yicha falsafa doktori Mashhura Darmonova (M.D.), tarix fanlari bo‘yicha falsafa doktori Gulmira Ochilova (G.O.), tarix fanlari bo‘yicha falsafa doktori Abduvali Yo‘ldoshev (A.Y.), tarix fanlari nomzodi Sherali Qo‘ldoshev (Sh.Q.), Alisher Navoiy nomidagi O‘zbekiston Milliy kutubxonasi direktori Umida Teshaboyeva, tarix fanlari doktori Baxtiyor Hasanov, filologiya fanlari doktori Muqaddas Tojiboyeva, katta ilmiy xodim Saodat Nazarova (S.N.), tayanch-doktorant Daler Mirzayev (D.M.), tayanch-doktorant Asadullo Hasanov (A.H.).
       Loyiha ustida izlanishlar olib borish jarayonida 252 jadidga oid ma’lumotlar yig‘ildi. Ularning til, adabiyot, tarix, ta’lim, axloq yo‘nalishdagi yuzdan ortiq asarlari aniqlandi, milliy matbuot sahifalaridagi maqolalari arab alifbosidan joriy alifboga o‘girildi.